بقلم : عاصم صلاح الدين
يا وزارة التعليم إرحمينا
كسرتى ضهرنا… حنيتينا
خمسين كتاب في الشنطة
على كتافنا عبئ يوماتى
عقولنا مليانة تخاريف
طبعا من ” الحشو” العاتي
” بعبع ” باسمع عنه
موش عارف إزاى ها أفلت منه
بيقولوا عليه قال ثانوية
بس باين دي حاجة مؤذية
نفسي ف تمارين رياضية
تقوى لياقتي البدنية
دا على حدودنا” الشرقية ”
لياقة الطفل دي أساسية
بيضربوا له ألف تحية
دا عدو مصر أيامنا الجاية
يا مصر . .. يا مصر
خايف بكرة تندهي
يا ولادي.. إلحقوا العدو
جاي للغدر بينا
صدقيني يا مصر
ها نلبي الندا
و السلاح موجود
بس يا ترى
ها تقدر تشيله إيدينا؟؟
